pherai eklai

फेरी एक्लै
-Anup Joshi


यो शहरको विशाल अनन्तता
बीचमा कतै हराएको छ

यी अग्ला अग्ला घरहरुबाट
आईरहेको छ नीर्जीव गन्ध

अब म तिमीलाई सम्झदैछु
कि लेख्दैछु फेरी अर्को कविता

किन सुनसान लाग्दैछन् भीडहरु ?
किन कोहि जीव भेटिदैनन् वसन्तपुर , असन , रत्नपार्कहरुमा ?
किन पार गर्न सकिरहेको छैन म यी निर्जन सडकहरु ?

आजकाल मेरा कामुक ओठहरु
कठ्याङ्ग्रीएका छन् कलेटी पर्दै
र यौवनको जंगलमा लागेको छ डढेँलो

उस्तै धमिलै छ
चस्माले देखाएको मेरो संसार
उस्तै अमूर्त छ मेरो मनमा तिम्रो नाम

कतै गएर बिलाउँछ मेरो आवाज
यो मौन शुन्यतामा
कतै गएर हराउँछ मेरो पुकार
तिमीसम्म नपुग्दै

निस्सीम फैलिएको यो आकाशमा
छन त छ यौटा घाम पनि
छन त छन् जुन , तारा र बादल पनि

तर खै !
म एक्लै छु
फेरी एक्लै छु यो विशाल अनन्ततामा
यो महाशुन्यतामा । 
Share on Google Plus

About Anup Joshi TV

Anup Joshi is an emerging young writer searching for space in Nepali literature. He writes poems, stories and lyrics for songs. As a student of English literature he loves reading books. He is also a passionate photographer and enjoys travelling.
    Blogger Comment
    Facebook Comment

0 सुझाबहरु:

Post a Comment